لەگەل تیرپرێس بەردەوام زانیاری نوێ بە راشکاوی دەزانی

دواترین

بیروڕای ئازاد

shadow

ئەگەر هەر دەنگ ئەدەیت بیدە بە حزبە ئیسلامیەکان توخنی علمانیەکان نەکەویت

نوسینی: بارزان رمضان

 سەرەتا دەنگدان رەئی شەخسی خۆتە هیچ کەس ناتوانێ بە ئیجباری لێت قەدەغەبکات یان بۆت دیاری بکات دەنگ بەکێ بدەیت، بەلام زۆر کەس ناتوانێ خۆی یەك لایی بکاتەوە و هەر دەشچێت بۆدەنگدان بۆيە من ئەم ئامۆژگاریەی ئەکەم"

 بە قەناعەتی من ئەسل وایە هەر دەنگ نەدەیت چونکە بەگشتی ئەوحزبانەی وەك ئۆپۆسزیۆن دەرکەووتن بە ئیسلامی بە علمانیەکانەوەش قەناعەتم پێیان نیە بتوانن بەبێ چەك دەستەلاتی سەربازی و ئابووری لەپارتی و یەکێتی وەربگرنەوە، ئەمە واقعی کوردستانە و هەمووشمان ئەوە باش ئەزانین دەنگدان و هەلبژاردن تەنها کارتۆنیە بەلام لە ئەمری واقع چەك و نەووت حکوم ئەکات، بۆیە پێم وایە هەر دەنگ نەدەیت لەهەمووی باشترە، بەلام ئەگەر هەر قەناعەتت بۆ درووست نەبوو هەردەچی بۆ دەنگدان ئەوا پێم باشە دەنگ تەنها بە حزبە ئیسلامیەکان بدەن و نەکەن توخنی علمانیەکان بکەون چونکە علمانیەکان دژی دینى تۆن بەئاشکرا ئەلێن دین لەدەولەت قەدەغە ئەکەین، هەروەها دژی ئەخلاقی تۆن بە ئاشکرا بەدرەووشتی بلاو ئەکەنەوە، و هیتد...، ئەزانم ئەپرسن دەنگ بەکام حزبی ئیسلامی بدەين؟

 بەرەئی من ئیسلامیەکان هەموویان وەکو یەکن هیچ جیاوازیان نیە، چونکە نەخاوەن پرۆەژی خۆیانن نە چەکدارن بۆیە توانای گۆرانکارى و چاك سازی و خۆشگوزەرانیان نیە چونکە هەموو هێزی چەکداری و بیرە نەوتەکان لەدەستی پارتی و یەکێتیدایە و ئامادەش نین یەك دەمانچە و یەك بەرمیل نەوت تەسلیم بەو حزبانە بکەن کە دەچنە سەر دەستەلات، نەك هەر ئیسلامیەکان بەلکو علمانیەکانی وەك و گۆران و نەوەی نوێش هەر ناتوانن چونکە بێ چەکن ناتوانن رووبەرووی چەکدارەکانی پارتی و یەکێتی ببنەوە کە نزیکەی ١٢٠ هەزار چەکداریان هەیە، خۆشتان باش ئەزانن لەکوردستان هەموو یاسا و قانونێك لەژێر تاکە پێلاوی بەرپرسەکانی پارتی و یەکێتیدایە بۆیە دلنیام هیچ گۆرانکاریەك ناکرێت بەهەلبژاردن و دەنگدان، تەنها بەیەك مەرج ئەتوانن بیکەن ( یان ئەوەتا هەموو حزبەکان دەبێ چەك هەلبگرنەوە یان ئەوەتا چەك لە پارتی و یەکێتیش قەدەغەبکەن ) ئەگەرنا گۆرانکاری موستەحیلە، بەلام بۆ ئەوەی توخنی ئەم علمانیانە نەکەویت و گوناهباری قیامەت نەبیت یەکێك لە حزبە ئیسلامیەکان هەلبژێرە زۆر زۆر باشترە لەوەی دەنگ بە علمانیەکان بدەیت، چونکە ئەگەر باشترین حزبی علمانی هەلبژێریت ئەوا دلنیابە دژی دین و ئەخلاق و کەلتوری رەسەنی کوردەواریە و ئەشقی دین و بەدرەوەشتی و کەلتوری غەرب و ئەمەریکایە، بەلام ئیسلامیەکان ئەگەر هیچ سودیشیان نەبێت بۆ میلەت و حکومەت بەلام دلنیابن زیانیشیان نیە بۆ ئەخلاق و دین و کەلتوری کوردەواری... جگە لە کەوتنەخەتری ئیمان و قیامەتت ئەگەر بێت و دەنگ بە علمانیەکان بدەیت.

 بۆیە ئەلێم ئەسل واباشترە دەنگ هەرنەدەیت بەلام ئەگەر هەر دەنگ ئەدەیت دەنگ بە حزبە ئیسلامیەکان بدە و نەکەی توخنی علمانیەت بکەویت.

320 جار بینراوە‌
26/04/2018