لەگەل تیرپرێس بەردەوام زانیاری نوێ بە راشکاوی دەزانی

دواترین

دیدار

shadow

حزبێکی تری نوێ بەناوی حزبی کەرانی کورستان لەئەمریکا درووست بوو دێنەوەکوردستان وەك ئۆپۆسزیۆن کاردەکەن

دیدار و نوسینی: بارزان رمضان لەگەل مام هەژار سکرتێری گشتی حزبی کەرانی کوردستان تایبەت بۆ تیرپرێس.

لەدیدارێکی تایبەت بۆ تیرپرێس بەرێز مام هەژار سکرتێری گشتی حزبی کەرانی کوردستان کۆمەلێ زانیاری گرینگ بۆ تیرپرێس ئاشکرادەکات پوختەیەك لەدیدارەکە بۆ خوێنەران بلاودەکەینەوە.

لەمیانەی دیدارەکەدا مام هەژار رایگەیاند" لەدوای ئەوەی عومەر کلۆل بەفەرمی هەلوەشاندنەوەی گرووپی کەرگەلی کوردستانی راگەیاند، ئێمە هەولماندا بەشێوەیەکی بەهێزتر و زۆر جیاوازتر لە سیاسەتە شکەست خواردوەکانی گرووپی کەرگەلی کوردستان بەناوی حزبی کەرانی کوردستان بێينەوە ناو مەیدانی سیاسی کوردستان بێ ئەوەی ببینە پاشکۆی هیچ حزب و لایەنیکی سیاسی.

هەورەها ووتیشی" ئێمە وەك هێزێکی سیاسی ئۆپسزیۆن کاردەکەین و لوشکەی بەهێز لە پەرلمان و بەرپرسە گەندەل و خاك و نەوت فرۆشەکان ئەدەین و بەزەرینی بەهێز خۆپیشاندان دەکەین و هەموو شەقامەکانی کوردستان ئەهەژێنین و هەموولایەنکێش دلنیا دەکەینەوە کە ئێمە بە پشتیوانی هێز و مەعنەوەی کۆنگرێسی ئەمەریکا رووبەرووی هەموو حزب و لایەنە سیاسیە گەندەل و ستەمکارەکان ئەوەستینەوە و مۆلەتمان لە ئەمەریکا وەرگرتووە، هەروەها چەندین کۆمپانیا و رێكخراوی نێودەولەتی هاوکاریمان ئەکەن.

دەربارەی فیکر و ئایدۆلژیاش ووتی" ئێمە تەنها خزمەت بە هەژار و نەداران و پەراوێزخراوان و هاولاتیانی کوردستان دەکەین بەگشتی و نە حزبێکی ئیسلامین نە حزبێکی علمانین، تەنها حزبێکی بەهێز و ئۆپۆسزیۆنین بۆ رزگارکردنی میلەتەکەمان لەم هەموو قەیرانەی سیاسی و سەربازی و کۆمەلاتی و ئابوری و فەرمان رەواییەی کوردستانیان وێران کردوە.

دەربارەی شکەستی کەرگەلانی کوردستان و عومەرکلۆلیش ووتی" لەبەر ئەوە فەشەلیان هێنا چونکە عومەر کلۆل و گروپەکەی لەژێر سێبەری دەستەلاتی ستەمکار پالکەوتبوون بۆ بەرژەوەندی مادی و مانەوەی خۆيان چبوونە ژێرباری حزبەکان وەك پاشکۆی حزبەکان وابوون، بۆیە شکەستیان خوارد لەوەی بتوانن گۆرانکاری بکەن، بەلام ئێمە زۆر بە پێچەوانەوە لەهیچ حزبێکی کوردستان نزیك نابینەوە بۆ ئەوەی کاریگەری هیچ لایەنیکامان لەسەرنەبێت و دەستەمۆمان نەکەن، تەنانەت لاهۆر شێخ جەنگی و حزبی کۆمەنیستی و حزبی شوعی و حزبی پارتی ئازادی کوردستان و پارتی و یەکێتی و زۆربەی حزب و لایەنە سیاسیەکان پەیوەندیان پێوەکردوومە داوایانکردووە لەرێگای ئەوان کاربکەین بەلام من هەموویم رەتکردۆتەوە و هەرگیز سەربەخۆی خۆمان و بەرەی میلەت نافرۆشین بۆ بەرژەوەندی حزبکەمان.

دەربارەی پێکهاتە و دەست بەکاربونی حزبەکەشیان لەکوردستان ووتی" ئێمە بەمزوانە کۆنگرەی فەرمی خۆمان دەبەستین لەکوردستان هەروەها ئەندام و بەرپرس و کادیری حزبەکەمان لەهەموولایەنەکانی پێشوی پارتی و یەکێتی و گۆران و شوعی و نەوەی نوێی و ئیسلامیەکان پێکهاتووە، لەدوای ئەوەی کۆنگرەکەمان تەواوبوو ئەوکات بریاری کۆتایی و ستراتیژی حزبەکەمان بۆ هەموو خەلکی کوردستان روون ئەکەینەوە بەتایبەتی لە کەنال و مالپەر و گۆڤار و دەزگای راگەیاندنەکانەکانی خۆماندا.

دەربارەی حزبە ئۆپسزیۆنەکانی کوردستانیش ووتی" ئێمە دژی هەموو ئەوحزبانەشین کە خۆیان وەك ئۆپۆسزیۆن نیشانداوە چونکە ئەوانیش هیچ توانای گۆرانکاریان نەبوو و شکەستیان خوارد بەرامبەر پارتی و یەکێتی، هەندێکیشان لەژێرەوە هاوکاری پارتی و یەکێتین.

مام هەژار نەشی شاردەوە ووتی" ئێمە حزبێکی ئۆپۆسزیۆنین، درووستکراوی ئەمەریکاین و کۆنگرێسی ئەمەریکامان لەپشتە و بەهەموو هێز و توانایەکمان لوشکە لە پەرلەمان و بەرپرسە گەندەلەکان ئەدەین و بەزەرینێکی زۆر کاریگەر شەقامەکانی کوردستان پردەکەین لە خۆپیشاندان، هەروەها لەوبروایەدام زۆرترین شوێنکەوتە و لاینەگر و دەنگدەرمان دەبێت و بە ماوەیەکی کورتيش بەسەر هەموو حزبەکانی کوردستان زالدەبین و ئەبین بە هێزی یەکەم لە حکومەت و پەرلەمانی کوردستان چونکە پشتیوانیەکی گەورەی (هێز و مادە و مەعنەوەی) ئەمەریکا و رێکخراوە نێودەولەتیەکان و کۆمپانیا زەبەلاحەکانی بیانیمان لەپشتە.

مام هەژار ناسراوە بە (نێرەکەری گەورەی حزبی کەرانی کوردستان) نزیکەی ١٥سالە لەئەمەریکا ئەژیت و تەمەنی لەسەروی ٤٠ سالیە و پێشتر خۆی بەرپرسێکی گەورەی خوێندکارانی یەك لە حزبە دەستەلاتدارەکانی کوردستان بووە، پاشان لەبەرئەوەی هەولی گۆرانکاریداوە لەدوای کۆبونەوەیەی نێوان خۆیاندا یەکێتی نیشتیمانی کوردستان دەیرفێنێت و زیندانی ئەکات و سزای ئەدات و هەرەشەی کووشتنی لێدەکات، کاتێك کەس و کاری مام هەژار هەوالەکە ئەزانن عەشیرەتەکەیان خۆیان چەکدارئەکەن و رووبەرووی یەکێتی ئەوەستنەوە تا مام هەژار ئازاد ئەکەن، پاشان کوردستان بەجێ ئەهەلێت و روودەکاتە ئەمەریکا، ئێستاش حزبی کەرانی کوردستانی راگەیاندوە نیازی وایە لەکوردستان شۆرش و سیاسەتی خۆیان دەست پێبکەن.