لەگەل تیرپرێس بەردەوام زانیاری نوێ بە راشکاوی دەزانی

دواترین

هۆنراوە

shadow

قاچاغبونی قاسم ئاغای کۆیە هەمووی سیناریۆ بوو .

 نوسینی: داراوان رمضان رسول

راستیەکە ئەمەیە:

 

قاسم ئاغای کۆیە سەرۆك جاش و ئەنجامدەری جینۆساید و ئەنفال و کیمابارنی کوردستان نەك هەر قاچاغ نیە زۆر بەپێچەوانەوە ژیانێکی شاهانەی هەیە و لە لوتکەی دەستەلاتیشدایە!

 

مال و مندالی قاسم ئاغا چەندین سالە هەر لەکوردستان ئەژین، خۆشی جار جار بەنهینی لەتورکیا بە پاسەپۆرت و فیزا ئەهاتەوە سەردانی ئەکردن، بەلام نزیکەی سالێك ئەبێت قاسم ئاغاش بەیەکجاری گەراوەتەوە هەولێر ئێستا لە گوندی مەلائۆمەر لەپال مالی بنەمالەی سەرۆك جاشی پێشوو (شێمەی هارون) نیشتەجێکراوە، هەروەها هێزێکی تەواری تایبەتیش پاسەوانیان لێدەکات، قاسم ئاغا و کورەکانی بە سەیارەی درعی مۆدێل بەرز هاتۆچۆ ئەکەن، کۆشك و تەلارەکەشی یەکێکە لە خۆشترین کۆشك تەلارەکانی کوردستان، تەنها دیوەخانەکەی ١٠٠مەتر درێژ ئەبێت، کەل و پەلی ناومالەکەشی هەمووی شاهانە و گران بەهایە زۆربەی لەدەرەوەی کوردستان هاتووە، بە کرینی ئەرز و درووستکردنی کۆشك و دیکۆر و کەلە و پەلەکانی ناو مالەکەی نزیکەی ٢ ملیۆن دۆلاری تێچووە، کورەکانیشی ( وەعد و فارس و رەوەند) بازرگانێکی گەورەی سنوری هەولێرن خاوەنی کۆمپانیای زەبەلاحن، هەرسێکیشیان ئەندامی پارتی دیموکراتی کوردستانن،لەناو سەیارەی قاسم ئاغا و کورەکانی جیهازی لاسرکی بەستراوە بۆ ئەوەی لەهەر شوێنیك تووشی گرفتبوون یان کەس و کاری شەهید و ئەنفال پەلاماریدان تەنها بەیەك نیدای جیهازی لاسرکیەکە بەزوترین کات هێزێکی تەواری تایبەت دەگاتە لایان رزگاریان ئەکات، رێگاش نادەن هیچ کەس بچێتە مالیان تەنها بەرەزامەندی قاسم ئاغا و کورەکانی نەبێت، هەروەها خۆی کورەکانی مۆلەتی هەلگرتنی هەمەموو جۆرە چەکێکیان هەیە بەردەوام بەچەکی ئەمریکی و دەمانچە لەپشت و جلی عەسکەری و ئالا و هەویەیی پارتی ئەسورێنەوە، پشتیوانیەکەیان ئەوەندە بەهێزە لەهەموو خەلکی کوردستان بێ منەتەن بوونە، تەنانەت هەر سێ کورەکەی بە ئاشکرا ئینستیگرام و فەیسبوکیان داناوە بەردەوام لەکوردستان خەریکی رابواردن و ئاهەنگ و گەشت گوزار و بازرگانی کردنن، جگەلەوەی بێ منەتن لە کەس و کاری شەهید و ئەنفالکراوان، تەنانەت کوری قاسم ئاغا بەناوی فارس دەچێتەوە شاری کۆیە لەسەر چیای هەیبەت سولتان لەفەیسبوکی خۆی وەك تەحەدایەك لوکەیشنی خۆی ئەکاتەوە بۆ ئەوەی بزانن کە لەهیبەت سولتانە پاشان هەرەشە لەهەموو خەلکی کۆێی ئەکات لەگەل بلاوکردنەوەی لوکەیشنی خۆی ئەنوسێت ئەلێت: ( گەنجۆ، من لە مەردایەتی لێ راهاتووم ، تۆش مەرد بە مەرد وەرە بەرامبەرم، وەك سەگ لەپشتم مەرشێوە)، فارس قاسم ئاغا بەم ئەندازەیە تەحەدا ئەکات لەبەر ئەوەی ئەوەند بەهێزکراون حسابی یەك تاکە پێلاو بۆ هیچ کورە شەهید و کورە ئەنفال و قوربانیانی کیمیاباران ناکات کە بەدەستی باوکی جینۆسایدکراون، هەموو ئەوکەسانەشی کە داوای خوێنی خۆیان کردووە یان بە خراپە باسیان ئەکەن بە سەگی رشاوە ناویان ئەبات.

 

قاسم ئاغاش بۆ چەواشەکردنی خەلکی ئەگەر دیدارێكی هەبوو لەگەل کەنالەکاندا دەچێتە تورکیا لەوێ دیدارەکە ئەنجام ئەدات پاشان ئەگەرێتەوە کوردستان، هەروەها قاسم ئاغا و مندالەکانی بە سەیارەکانی خۆیان کە هەمووی مۆدیل بەرز و ژمارە هەولێرن هاتووچۆی تورکیا ئەکەن، هەروەها بەردەوام خۆی کورەکانی لەگەل چەند پاسەوانێکی خۆیان لە دەشتەکانی دەورووبەری مەلا ئۆمەر دەیان چەکی جۆراو جۆر تاقی ئەکەنەوە و راهێنانی سەربازی ئەنجام ئەدەن بۆ رووبەروو بونەوەی هەموو کەس و کاری ئەنفال و کیماباران و قوربانیانی دەستی قاسم ئاغای کۆیە، بۆئەوەی لەهەر پەلامارێکدا بتوانن شکەستیان پێ بێنن.

 

حەزدەکەم بەراشکاوانە پێتان بلێم هەموو جاشەکان وەکو یەکن، ناکرێت تەنها قاسم ئاغای کۆیە قاچاغ بێت ئەوانتریش ئازادبن، بۆیە یان ئەبێت لیستی هەموو جاشەکان بدرێتە دادگا و هەموو ئەو حیزبانەش دادگایی بکرێن کە جاشەکانیان ورگرتووە، یان ئەبێت قاسم ئاغاش ئازاد بێت وەکو هەموو سەرۆك جاشەکانی تر.

 

بۆچی ئەم جاش و بەعسیانە عافو ئەکرێن کە بەدەستی خۆیان قەتل وعامی کوردستانیان ئەنجام داوە بەلام هەزاران کەسایەتی و مەلا و رۆژنامە نوس و رەخنەگر و دلسۆزی دین و نیشتیمان، تیرۆر ئەکرێن و دەرفێندرێن و زیندان و تێهەلدان و تاوانبار ئەکرین و هەتاهەتاێش بن بزر ئەکرێن؟

 

بەراستی پێوویستە هەمووتاکێکی ئەم کوردستانە پابەندی یاسای هیچ وەزارەتێك و هیچ دادگایەك و هیچ بنکەیەکی پۆلیس نەبن و شەق لە بریارەکانی دادوەر و حوکەمت هەلدەن، پێیان بلێن تا ئەو جاش و بەعسیانە دادگای نەکرێن ئێمەش پابەندی هیچ یاساێك نابین لەهەر موخالەفەیەکی گەورە و بچوك، خۆ بەقەدەر ئەوان تاوانبار نین!

 

خەلکی کوردستان تکایە بە جدی بیر بکەنەوە هەلوێستان هەبێ.

 

پێشمەرگە تکایە بە جدی بیربکەنەوە هەلوێستان هەبێ.

 

کەنال و راگەیاندن و رۆشەنبیران و قەلم بەدەستان، تکایە بەجدی بیربکەنەوە هەلوێستان هەبێ.

 

کەس و کاری شەهید و ئەنفال و کیماباران تکایە بەجدی بیربکەنەوە هەلوێستان هەبێ.

 

کەس و کاری زیندانیانی دەستی پارتی و یەکێتی تکایە بەجیدی بیر بکەنەوە هەلوێستان هەبێ.

 

هەمووتان بلێن:

 

بۆچی جاش و بەعسیەکان لە لووتکەی دەستەلاتن بەلام پێشمەرگەی کۆن و نوێش ریسوا و بێ هێز و بێ نرخن؟

 

بۆچی ئەم جاش و بەعسیانە خاوەن کۆمپانیا و کۆشك و تەلار و پاسەوان و با زارگانین بۆخۆیان های لایڤ ئەژین بەلام کەس و کاری شەهید و ئەنفال و کیمیا بارانیش لەتە نانێك نیە بیخۆن لەبرسان سوال ئەکەن .

 

ئەی میلەت تۆش:

 

تۆش هەر پێشمەرگایەتی بکە بێ مەعاش

تۆش هەر خزمەتبکە بێ بەرامبەر

تۆش هەر چەوساوەو بێ دەنگ بە

تۆش هەر کۆیلە و سەپانی ئەم جاشانە بە

 

تۆش، تۆش، تۆش ، هیتد.......

 

 

2309 جار بینراوە‌
11/06/2018