لەگەل تیرپرێس بەردەوام زانیاری نوێ بە راشکاوی دەزانی

دواترین

وتاری گشتی

ئەبو بەکر بەغدادی دونیای ئیسلامی وێران کرد تەنها خۆی نەبێ.
بارزان رمضان

ئەبو بەکر بەغدادی دوولاتی وێرانکرد و دوو میلەتی لەناوبرد بەلام خۆی پڕوشکێك بەر ریشی نەکەوت!

سەرانی داعش بۆ پرۆژەی مەرگی موسلمانان درووستکران، بۆ ریشەکێشکردنی هەموو جۆرە پێگە و دەستەلاتی ئیسلامەیکان لەهەمو جیهان درووستکران، سەرەتا زۆر بەئاسانی ئەرووخان ئەگەر موسلمانان گوێرایەلی زانا ژیرەکان بوونايە، بەلام بەداخەوە لەسەر حسابی عاتیفەی موسلمانە دلسۆز و نەخوێندەوار بەدین و دونیا ئامانجەکەی خۆیان پێکا.

هێزی هاوپەیمانانی ئەمەریکا ٢٣ هەزار جار هێرش و بۆردومانی ئاسمانی کردووە، ١٠ هەزاری لەخاکی سوریا بووە ١٣ هەزاریش لە عێراق، جگە لەو هەموو حزب و حکومەتانەی شیعە و سونە و علمانيەکان کە بە هەزاران هێرشی زەمینیان بەهاوکاری روسیا و ئەمەریکا و وولاتانی تری غەربی ئەنجامداوە، لای هەمووتان روون ئاشکرایە کە بەقەدەر جەنگی جیهانی یەکەم و دووەم ساروخ و بۆمب و چەندین جۆری چەکی بە کۆمەل کوژ لە سوریا و عێراق بەسەر لاشە و مال و خاکی موسلمانانی سڤیل و شەرکەر تاقی کرانەوە و چۆن موسلمان قرانی هات، سوریا و عێراق بەرادیەکەك کاول بوون لەچەندین ناوچەی دێرین مێژو و شارستانیان رەش بوویەوە مەگەر دووبارە لە بیابانەوە دەست بە ژیان بکەنەوە!

جگە لەمەش پرسیارە نهێنیەکە ئەوەیە:

لە دوای کاولبوونی عێراق و سوریا ئێستا بە فەرمی کۆتای هاتنی داعش راگەیانرا لەهەردوو وولات، داعش لەهیچ شوێنێك دەستەلاتێکی وای نەماوە مەگەر لەهندێك ناوچەی بچوك و لادێ و شاخ و داخ مابن ئەویش وەك جەزیرەیەك دەوریان گیراوە رێگای هاتووچۆشیان نەماوە و پچراوە.

ئایا:
١- بۆ دوو میەلەت بە وولاتەوە لەم جەنگە تیاچوون بەلام ئەبو بەکەر بەغدادی ریشی تۆزاوی نەبوو؟ 
٢- بۆ دەستگیر نەکرا و چۆن دەربازی بوو؟ 
٣- ئێستا لەکوێ یە و کێ دەیپارێزی؟
٤- بۆ لەم هەموو سارۆخ و فسفۆر بارانە شوێنی ئەبوبەکر بە گولەیەکیش نەکرا بەئامانج؟
٥- کاریان پێماوە بۆیە لێگەراون جارێ؟
٦- لەکام میژووی موسلمانان شتی وا هەبووە کە هەموو جەیش و دوو وولاتیش بەخۆتەوە لەناوبەریت کەچی سەرکردەکە لەهیچ سەنگەرێك بەژداری نەکات و هەر خەریکی کەنیزە و سەبایە بێت و تا ئاخیر کەسیش هەر سەلامەت و بێ بەلا بێت؟

جگە لە وەستاندنی بانگەوازی ئیسملامی لەجیهان و ناشیرنکردنی پیادەکردنی حوکمی قورئان و فتوای کووشتن و کافربوون بۆ هەموو زانایان و حزب و گرووپە ئیسلامیەکان و پرۆژەی مەرگی موسلمان و کاول کردنی ناوچە گرینگ و ستراتیژیەکانی جیهانی ئیسلامی کوا بەرهەمی داعش؟

هیوادارم بیربکەنەوە !

بارزان رمضان

264 جار بینراوە‌
4/30/2018 6:43:46 PM